«Manchester Yunayted» ustozi Ralf Rangnik APLning 25-tur doirasida «Sautgempton» (1:1) jamoasi bilan qayd etilgan durangdan keyingi fikrlari bilan o‘rtoqlashdi.

«Afsuski, bugun ham barchasi xuddi so‘nggi o‘yinlarimizga o‘xshadi. Bu safar ham hisobda oldinda borayotib, yakunda bir ochkoga ega chiqdik va bu hol so‘nggi to‘rtta o‘yinimizda ro‘y berdi. Buni qabul qilish qiyin, lekin nailoj.

Dastlabki yarim soatni yaxshi o‘tkazdik. Men qoniqdim. Garchi ularda qarshi hujumda vaziyat sodir etish uchun imkoniyat bo‘lgan bo‘lsada, biz bunga yo‘l qo‘ymadik. Ikkinchi bo‘limni boshida esa gol kiritishni uddasidan chiqishdi. Shundan so‘ng, har ikki jamoada ham vaziyatlar bo‘ldi, biz tomondan keskinroq vaziyatlar yaratildi. Ammo biz sovuqqonlikni saqlab qola olmayapmiz.

Biz o‘z pozisiyamizni tushunishimiz kerak. «Sautgempton» «Tottenxem»ni 3:2 hisobida mag‘lubiyatga uchratdi, garchi "shporlar"ni g‘alabasi taxmin qilingan bo‘lsada. Biz bugun ulardan bir ochko oldik. Uch ochkoni qo‘lga kiritishni xohlagandik, ammo biz o‘ylagan voqea sodir bo‘lmadi.

Mana nima uchun bizda murabbiy almashdi va mana nima uchun turnir jadvali yuqori o‘rinda ketmayapmiz», – dedi Rangnik.