«Манчестер Юнайтед» устози Ральф Рангник АПЛнинг 25-тур доирасида «Саутгемптон» (1:1) жамоаси билан қайд этилган дурангдан кейинги фикрлари билан ўртоқлашди.

«Афсуски, бугун ҳам барчаси худди сўнгги ўйинларимизга ўхшади. Бу сафар ҳам ҳисобда олдинда бораётиб, якунда бир очкога эга чиқдик ва бу ҳол сўнгги тўртта ўйинимизда рўй берди. Буни қабул қилиш қийин, лекин наилож.

Дастлабки ярим соатни яхши ўтказдик. Мен қониқдим. Гарчи уларда қарши ҳужумда вазият содир этиш учун имконият бўлган бўлсада, биз бунга йўл қўймадик. Иккинчи бўлимни бошида эса гол киритишни уддасидан чиқишди. Шундан сўнг, ҳар икки жамоада ҳам вазиятлар бўлди, биз томондан кескинроқ вазиятлар яратилди. Аммо биз совуққонликни сақлаб қола олмаяпмиз.

Биз ўз позициямизни тушунишимиз керак. «Саутгемптон» «Тоттенхэм»ни 3:2 ҳисобида мағлубиятга учратди, гарчи "шпорлар"ни ғалабаси тахмин қилинган бўлсада. Биз бугун улардан бир очко олдик. Уч очкони қўлга киритишни хоҳлагандик, аммо биз ўйлаган воқеа содир бўлмади.

Мана нима учун бизда мураббий алмашди ва мана нима учун турнир жадвали юқори ўринда кетмаяпмиз», – деди Рангник.