Bugun “Nasaf” Turkiyadagi yig‘in doirasida 5-nazorat uchrashuvida maydonga tushdi. “Ajdarlar”ning bu safargi raqibi Ukrainaning “Rux” jamoasi bilan kuch sinashdi.

Birinchi bo‘limning 30-daqiqasida raqib hujumchisi birga-bir vaziyatga chiqib kelayotganda Abduvohid Ne’matov jarima maydonidan tashqari to‘p uchun kurashga qo‘shildi. Ushbu vaziyatda raqib futbolchisi yiqilib tushdi. Negadir shu holat uchun uchrashuv hakim penalti belgiladi va Ne’matovni ogohlantirdi. Abduvohid Yuriy Klimchuk amalga oshirgan jarima zarbasini bartaraf etdi lekin to‘pga birinchi bo‘lib kelgan Marko Sapuga uchrashuvda hisobni ochdi.

Ikkinchi bo‘lim ham shiddatli kurashlarga boy bo‘ldi. Futbolchilarimizga yaratilgan vaziyatlarni gol bilan yakunlashga biroz aniqlik yetishmadi. 82-daqiqada Yuriy Klimchuk bellashuvdagi so‘ngi golni urdi — 2:0.

Turkiya, Antaliya

12.02.2022. 15:00

“Rux” – “Nasaf” 2:0

Gollar: M. Sapuga 30ʼ, Y. Klimchuk 82ʼ

Amalga oshirilmagan penalti: Y. Klimchuk 30ʼ

“Nasaf”: Abduvohid Ne’matov, Alibek Davronov, Aziz Xolmurodov, G‘olib G‘aybullayev, Murodbek Rahmatov, Asliddin Tursunpo‘latov, Bahrom Abdurahimov, Suhrob Nurulloyev, Sardor Sa’dullayev, Zafarmurod Abdurahmatov, Shahzod Akramov

Zaxiradan maydonga tushganlar: Umarbek Eshmurodov, Ivan Solovev, Marko Stanoyevich, Husayn Norchayev, Akmal Mozgovoy, Sherzod Nasrullayev, Oybek Bozorov, Dilshod Saitov, Sharof Muhitdinov.


“Rux”: Pankiv, FaYE, Beliy, Didik, Sich, Sapuga, Fedorchuk, Plyumen, Talles, Solomon, Klimchuk

Zaxira: Pidgurskiy, Kvasnisya, Varfolomeev, Pritula, Slyusar, Gereta