«Manchester Yunayted»ning sobiq futbolchisi Pol Skoulz «Byornli» bilan o‘yindan so‘ng jamoa futbolchilarini tanqid qildi.
Xususan, Skoulz yarim himoyachi Bruno Fernandeshning himoyaviy harakatlanish paytida to‘g‘ri pozisiyani egallay olmasligini qayd etdi.
«Himoya chizig‘ini yaxshi tashkil etish uchun o‘z pozisiyalaringga qat’iy rioya qilishing kerak. Ammo Bruno bir epizodda chap qanot himoyasida, yana bir safar esa o‘ng qanotda paydo bo‘lsa, Rangnik futbolchilarni qanday eplashi mumkin?
Fernandesh pozisiyasini juda ko‘p bor o‘zgartiryapti. U ko‘rsatmalarga amal qilishni bilmaydi yoki xohlamayapti», - deydi Skoulz.
