«Vest Xem» ustozi Devid Moyes APL doirasida «Lester» (2:2) jamoasiga qarshi o‘yindan keyin Kurt Zuma nima uchun asosiy tarkibdan olib tashlangani haqida tushuntirish berdi.

Fransiyalik futbolchi uchrashuv qaydnomasida asosiy tarkibdan joy olgandi, biroq, o‘yin boshlanishiga 15 daqiqa qolganida uning o‘rniga Issa Diop qaydnomaga kiritildi.

«U o‘yingacha kasal edi, lekin maydonga tushishni xohlagandi. Biz ham uni o‘ynashini xohlagandik. U kechasi o‘zini yomon his qildi, futbolchilardan uzoqlashdi va ovqat yemadi.

Chigalyozdi mashg‘ulotlarini o‘tkazayotganida maydonga tusha olmasligini angladi. Shundan keyin Diopga tayyorgarlik ko‘rishini aytdik. Zuma ovqatni hazm qilishda muammoga duch keldi, aftidan noto‘g‘ri ovqatlangan shekilli.

Umid qilamanki, biz «Vest Xem»ga nisbatan qarashlarni o‘zgartirdik. Bizda o‘sishni xohlaydigan yosh, yaxshi jamoa bor.

Biz bu kabi ishlar barcha qilingan ijobiy ishlarimizga soya solishiga yo‘l qo‘ymasligimiz kerak.

Murabbiy va futbolchilar ham xato qiladi. O‘sha voqeadan keyin Kurt kechirishlarini xohlayapti va u allaqachon uzr so‘ragan», – dedi Moyes.