Hujumkor yarim himoyachi Rahim Sterlingning "Manchester Siti"dagi kelajagi noma’lumligicha qolmoqda. Uning “shaharliklar” bilan shartnomasi kelasi yili tugaydi va klub hali u bilan yangi shartnoma bo‘yicha muzokaralarga kirishgani yo‘q.
Bosh murabbiy Xosep Gvardiola Goal nashriga bergan intervyusida shu haqida gapirdi. “Rahim “Siti” uchun muhim futbolchi. Uning kelajagi haqida hali hech narsa ma’lum emas. Men faqat o‘z fikrimni bildiraman, qaror esa rahbariyat tomonidan qabul qilinadi.
Avvalroq OAVda vingerga "PSJ", "Barselona" va "Real" tomonidan qiziqish bo‘lganligi haqida xabarlar tarqalgan edi.
