"Manchester Yunayted" hujumchisi Edinson Kavani yanvar oyida jamoani tark etishni istamadi, deydi insayder Fabrisio Romano.
Manba bergan xabarga ko‘ra, urugvaylik futbolchi iyun oyida "Manchester Yunayted"ni erkin agent sifatida tark etish niyatida, biroq u yanvarda ham ”qizil iblisla” safidan ketish imkoniyatiga ega edi. Ta’kidlanishicha, Kavani jamoa bosh murabbiyi Ralf Rangnik bilan shaxsiy suhbatdan keyin “Yunayted”da qolishga qaror qilgan.
Kavanining "Manchester Yunayted" bilan shartnomasi shu yozda yakuniga yetadi. Oldinroq Edinson faoliyatini Ispaniyada davom ettirmoqchi ekanligi haqida ma’lumotlar paydo bo‘lgandi.