Fransiyada Neymarning "Real"ga qarshi o‘yinda ishtirok etishi mumkinligi haqida yozishmoqda. Futbolchi Chempionlar ligasi pley-off o‘yinidan bir kun oldin cheklovlarsiz mashg‘ulotda qatnashgan. Shuningdek, hujumchi o‘yin qaydnomaga kiritildi.
Uchrashuvdagi ishtirok bo‘yicha yakuniy qaror bugun qabul qilinadi. Agar tibbiyot xodimlari xavotir bildirmasa, u holda Pochettino Neymarga maydonda o‘zini ko‘rsatish imkoniyatini berishni rejalashtirgan. Taxminlarga ko‘ra, braziliyalik futbolchi ikkinchi bo‘limlda maydonga tushishi mumkin.
Ma’lumot o‘rnida, futbolchi 28 noyabrdan beri “PSJ” o‘yinlarida ishtirok etmayapti.
"PSJ" tarkibida hozir faqat Serxio Ramosda jarohat bor. Qolgan barcha futbolchilar o‘ynashga tayyor.
