O‘zbekiston sportchilarining navbatdagi yozgi va qishki Olimpiya va Paralimpiya o‘yinlarida muvaffaqiyatli ishtirok etishi uchun tayyorgarlik ishlarini jadallashtirish to‘g‘risida O‘zbekiston Respublikasi Prezidentining qarori e’lon qilindi.
Qarorga ko‘ra, 2024 yil Fransiyaning Parij shahrida bo‘lib o‘tadigan XXXIII yozgi Olimpiya va XVII Paralimpiya o‘yinlarida g‘olib va sovrindor bo‘lgan O‘zbekiston sportchilari quyidagi miqdorda bir martalik pul mukofoti bilan rag‘batlantiriladi:
Oltin medal uchun — 200 000 AQSH dollari;
Kumush medal uchun — 100 000 AQSH dollari;
Bronza medal uchun — 50 000 AQSH dollari.
