“Manchester Siti” bosh murabbiyi Xosep Gvardiola “shaharliklar” bilan shartnoma uzaytirilishi mumkinligi haqidagi savolga hazil bilan javob qaytardi. Ispaniyalik mutaxassisning amaldagi shartnomasi 2023 yilning yoziga qadar mo‘ljallangan.
— Men ser Aleks Fergyuson bo‘lmayman, xavotir olmang (kuladi). Shartnomam bo‘yicha hali bir yarim yil bor, bu uzoq vaqt. "Manchester Siti"da yaxshi muhit bor va bu har doim yordam beradi.
Ko‘tarilish va pasayishlarni birga bosib o‘tamiz. Klubda doim yaxshi muhit hukm surgan, aks holda biz sovrinlarni qo‘lga kiritmagan bo‘lardik. Eng muhimi, jamoa bilan yaxshi munosabatdamiz.
