"MYU" bosh murabbiyi Ralf Rangnik jamoa futbolchisi Xarri Maguayr haqida fikr bildirdi. U shunday deydi:

"Menimcha, u jarohatdan qaytganidan keyin o‘zini juda ham yaxshi tuta oladi. "Vest Xem"ga qarshi zo‘r o‘yin ko‘rsatdi. Ha, so‘nggi ikkita o‘yinda Maguayrda zaif harakatlar kuzatildi. "Sautgempton" hamda "Byornli"ga qarshi bahsda Maguayrning ham aybi bor edi. Bizning hozirgi o‘yin uslubimiz mutlaqo yangi. Angliya terma jamoasida u asosan uchtalik himoyachi sxemasida harakat qiladi. Klubda esa to‘rttalik. Albatta, bu o‘zgarish istalgan futbolchidan moslashish uchun vaqt talab etadi".

Eslatib o‘tamiz, Xarri Maguayr "Lester"dan 2019 yilning yozida 80 million funtga xarid qilingan edi.