"МЮ" бош мураббийи Ральф Рангник жамоа футболчиси Харри Магуайр ҳақида фикр билдирди. У шундай дейди:
"Менимча, у жароҳатдан қайтганидан кейин ўзини жуда ҳам яхши тута олади. "Вест Хэм"га қарши зўр ўйин кўрсатди. Ҳа, сўнгги иккита ўйинда Магуайрда заиф ҳаракатлар кузатилди. "Саутгемптон" ҳамда "Бёрнли"га қарши баҳсда Магуайрнинг ҳам айби бор эди. Бизнинг ҳозирги ўйин услубимиз мутлақо янги. Англия терма жамоасида у асосан учталик ҳимоячи схемасида ҳаракат қилади. Клубда эса тўртталик. Албатта, бу ўзгариш исталган футболчидан мослашиш учун вақт талаб этади".
Эслатиб ўтамиз, Харри Магуайр "Лестер"дан 2019 йилнинг ёзида 80 миллион фунтга харид қилинган эди.
