"Manchester Yunayted"ning sobiq yulduz futbolchilaridan biri Pol Ins Krishtianu Ronaldu haqida keskin fikrlar bildirdi. U shunday deydi:

"Odamlar uning (Ronalduning) jamoga olib kelinishi, klub, futbolchilar va yosh o‘yinchilar uchun foydali bo‘lishi haqida ko‘p gapirishdi. Hatto, biz ham shunday fikrda edik. Ha, u mavsum boshida maydonni yondirdi. Hamma uni maqtadi, sha’niga go‘zal so‘zlar bilan sharh qoldirdi.

Biroq, ko‘p o‘tmay, Ronaldu jamoaga yordam bera olmay qoldi. Hammaning ko‘z o‘ngida go‘yoki, cho‘kishni boshladi. Mana endi esa, Ronaldu umidsizday tuyulmoqda. Ha, u aynan umidsizlikka tushgan. Bilasizmi, Ronaldu - xudbin futbolchi! Ronaldu doimo Ronalduni o‘ylagan. Agar gol ura olmasa, go‘yo galaktika to‘xtab qoladi, xafa bo‘ladi.

Biz ko‘rdik, u "Yuventus"ni tark etganidan keyin, Jorjo Kyellini klubni "bir oila"ga aylanganini ta’kidladi. Endi esa "Yuve"dagi holat "MYU"da ham yuz bermoqda. To‘g‘ri, jamoadagi hamma Ronaldu bo‘la olmaydi. Lekin hamma gol ura olmayotgan Ronaldu kabi umidsizlikka tushib qolgan. Men uni keyingi mavsum jamoada qoladi deb o‘ylamayman.

Ayniqsa, Rangnik qolsa, Ronaldu aniq boshqa klubga ketadi. Bilasizmi, U o‘ynashi kerak. Klub hech kimga, u kim bo‘lishidan qat’iy nazar, shunchaki, zaxira o‘rindig‘ida o‘tirishi uchun haftasiga yarim million funt to‘lamasligi kerak!".

Eslatib o‘tamiz, "MYU" bugun "Brayton" bilan bahs yuritadi.