«Bavariya» bosh murabbiyi Yulian Nagelsmann Chempionlar ligasi 1/8 finali doirasidagi «Zalsburg»ga qarshi o‘yin oldidan jamoa himoyasiga qilingan tanqidlar haqida gapirdi.
«Albatta, to‘rtta gol o‘tkazib yuborsangiz, himoya tanqid qilinadi. Umuman olganda, himoyada barqarorroq o‘ynagandik, ammo «Boxum» va «Gladbax» bilan o‘yinlarda omadsizlikka uchradik.
Jamoamiz Yevropada eng ko‘p to‘pga egalik qilmoqda. Bu esa kuchimizni bildiradi.
Aksariyat hollarda o‘tkazib yuborgandan ko‘ra ko‘proq gol urishga erishyapmiz. Chempionlar ligasi va kubokda o‘tkazib yuborilgan gollarning ta’siri ancha yuqori. Demak, barchamiz ertaga yaxshiroq harakat qilishni xohlaymiz», deydi Nagelsmann.
