«Бавария» бош мураббийи Юлиан Нагельсманн Чемпионлар лигаси 1/8 финали доирасидаги «Зальцбург»га қарши ўйин олдидан жамоа ҳимоясига қилинган танқидлар ҳақида гапирди.
«Албатта, тўртта гол ўтказиб юборсангиз, ҳимоя танқид қилинади. Умуман олганда, ҳимояда барқарорроқ ўйнагандик, аммо «Бохум» ва «Гладбах» билан ўйинларда омадсизликка учрадик.
Жамоамиз Европада энг кўп тўпга эгалик қилмоқда. Бу эса кучимизни билдиради.
Аксарият ҳолларда ўтказиб юборгандан кўра кўпроқ гол уришга эришяпмиз. Чемпионлар лигаси ва кубокда ўтказиб юборилган голларнинг таъсири анча юқори. Демак, барчамиз эртага яхшироқ ҳаракат қилишни хоҳлаймиз», дейди Нагельсманн.
