"Real Madrid" bosh murabbiyi Karlo Anchelotti "PSJ"ga qarshi safar o‘yinidan so‘ng o‘z fikrlarini bildirib o‘tdi. Parijliklar Kilian Mbappening goli evaziga Madridni minimal hisobda mag‘lub etishdi.

"Biz mag‘lub bo‘ldik, ammo bu duelning faqat birinchi qismi. O‘z uyimizda bugungidan yaxshiroq o‘ynaymiz.

Raqib ajoyib ish qildi, lekin bizda juda ko‘p muammolar bor edi. To‘pni hujum chizig‘iga yaxshi yetkazib bera olmadik, "PSJ"ning bosimiga dosh bera olmadik. Uzatmalardada xatolar bor edi. Biz to‘p bilan yaxshiroq harakat qilishimiz kerak.

Mbappe Yevropaning eng yaxshi futbolchisi. U o‘yinni o‘zgartirdi va jamoasiga g‘alaba keltirdi.

Mendi va Kazemironing o‘rniga kimnidir topamiz. Ammo men Orsatoga aytdimki, bu kartochkalar bahsli, kerakciz qaror edi", dedi italiyalik murabbiy.