Bugun “Metallurg” Turkiya yig‘inidagi so‘nggi ko‘rik uchrashuvini o‘tkazadi. Raqib 2021 yilgi Gruziya chempionatining bronza medali sovrindori Gori shahrining “Dila” jamoasidir. “Metallurg” singari yangi mavsumga tayyorgarlik ko‘rayotgan “Dila” uchun ham mazkur o‘yin xorijdagi oxirgi ko‘rik o‘yini bo‘ladi. Gruziyaning 2022 yilgi chempionati 26 fevral sanasida start oladi.

Quyida bo‘lg‘usi Gruziya klubi haqida qisqacha ma’lumot berib o‘tsak. “Dila” futbol klubiga 1949 yilda asos solingan. Jamoaga ukrainalik mutaxassis Andrey Demchenko bosh murabbiylik qiladi. 1990 yildan Gruziya chempionatida muntazzam qatnashi kelayapti. Eng yaxshi natijasiga 2014/2015 yilgi mavsumda erishgan – mamlakat chempioni bo‘lgan. 2011/2012 yilgi mavsumda esa Gruziya kubogiga sazovor bo‘lgan. 2004 yildan Yevropa kuboklari musobaqalarida qatnashib keladi. Intertoto, Yevropa ligasi, UEFA chempionlari ligasi musobaqalarining qatnashchisi. Yangi mavsumda UYEFA konferensiya ligasi kubogida Gruziya sharafini himoya etadi.

Jamoaning ayni paytdagi tarkibida bir qator legioner o‘yinchilari ham bor. Bular – himoyachilar Patrik Etu (Kongo), Tyerri Manzi (Ruanda), Vanderson, Alef Santos (Braziliya), yarim himoyachilar – Amos Nendi (Keniya), Fransisko Madinga (Malavi), hujumchilar – Usmon Kamara (Gvineya), Didye Kugbenya (Togo) lardir.