Xabaringiz bor, O‘zbekiston milliy terma jamoasi 2023 yil Xitoyda bo‘lib o‘tadigan Osiyo kubogining saralash bosqichida ishtirok etadi. Bugun Osiyo futbol konfederasiyasi mazkur saralash bahslarini o‘z maydonlarida qabul qiladigan mamlakatlar nomini e’lon qildi.
Unga ko‘ra, O‘zbekiston milliy terma jamoasi ishtirok etadigan uchrashuvlar yurtimizda o‘tkaziladigan bo‘ldi. Mazkur o‘yinlar 8, 11 va 14 iyun kunlari bo‘lib o‘tadi.
Ma’lumot o‘rnida, saralash bosqichga 24 fevral kuni qur’a tashlanadi. O‘zbekiston milliy terma jamoasi Bahrayn, Iordaniya, Qirg‘iz Respublikasi, Falastin va Hindiston bilan birgalikda 1-savatchadan joy olgan.
