“Napoli” bosh murabbiyi Luchano Spaletti “Barselona” bilan kechgan Yevropa ligasi 1/16 final o‘yinida (1:1) hakam xato tufayli ularga penalti belgilagani haqida fikr bildirdi.
“O‘ylashimcha, birinchi bo‘limda biz “Barselona” bilan tengma-teng o‘ynay olishimizni isbotladik. Tanaffusdan keyin ular tashabbusni qo‘lga olishdi. Birinchi bo‘limda nima qilgan bo‘lsak, butun o‘yin davomida ham buni qila olamiz. Hurmat bilan aytamanki, “Barselona” durangga haqli edi, ammo bizga penalti belgilangan vaziyatda o‘yin qoidasi buzilishi yo‘q edi. To‘p yo‘nalishini o‘zgartirmadi. Qo‘l ham juda tabiiy holatda edi. Aytganimdek, "Barselona" hisobni tenglashtirishga loyiq edi, ammo bu vaziyat penaltiga tortmaydi", — deya Spalettining so‘zlaridan iqtibos keltrgan "Football Italia".
Eslatib o‘tamiz, "Barselona"ning o‘yindagi yagona goliga Ferran Torres mualliflik qildi.
