“Наполи” бош мураббийи Лучано Спалетти “Барселона” билан кечган Европа лигаси 1/16 финал ўйинида (1:1) ҳакам хато туфайли уларга пенальти белгилагани ҳақида фикр билдирди. 

“Ўйлашимча, биринчи бўлимда биз “Барселона” билан тенгма-тенг ўйнай олишимизни исботладик. Танаффусдан кейин улар ташаббусни қўлга олишди. Биринчи бўлимда нима қилган бўлсак, бутун ўйин давомида ҳам буни қила оламиз. Ҳурмат билан айтаманки, “Барселона” дурангга ҳақли эди, аммо бизга пенальти белгиланган вазиятда ўйин қоидаси бузилиши йўқ эди. Тўп йўналишини ўзгартирмади. Қўл ҳам жуда табиий ҳолатда эди. Айтганимдек, "Барселона" ҳисобни тенглаштиришга лойиқ эди, аммо бу вазият пенальтига тортмайди", — дея Спалеттининг сўзларидан иқтибос келтрган "Football Italia".

Эслатиб ўтамиз, "Барселона"нинг ўйиндаги ягона голига Ферран Торрес муаллифлик қилди.