«Barselona» bosh murabbiyi Xavi Yevropa ligasining 1/16 final bosqichi doirasida bo‘lib o‘tgan "Napoli"ga qarshi o‘yindan so‘ng ko‘z yosh to‘kkan hujumchi Ferran Torres haqida o‘z fikrini bildirib o‘tdi.

«U o‘ziga juda talabchan, ammo, shunga qaramay, u ko‘p imkoniyatlarga ega bo‘lib, bor-yo‘g‘i bitta gol urdi. Keyingi o‘yinlarda uning imkoniyatlari oshib boradi, bunga ishonchim komil. Buni Ferranga aytaman», — dedi Xavi.

Eslatib o‘tamiz, Torres «Napoli»ga qarshi bahsdan so‘ng ko‘z yoshlarini tiya olmadi. Ispaniyalik futbolchi penaltidan unumli foydalandi, ammo o‘yin davomida yuzaga kelgan 3ta juda qulay imkoniyatlarni ko‘kka sovurdi. Torresni jamoadoshlari ovutishga harakat qilishdi. Hattoki, "Napoli" futbolchilari ham Ferranning yoniga kelib, unga dalda bo‘lishga urinishdi.