Ispaniya nashrlari «PSJ» hujumchisi Kilian Mbappening kelajagi haqida yangi ma’lumotni e’lon qildi. Ma’lum bo‘lishicha, futbolchining onasi allaqachon Ispaniya poytaxtidan uy izlay boshlagan.
El Chiringuito nashrining yozishicha, ayol Madridning nufuzli hududlaridan birida ikkita uy sotib olishni mo‘ljalamoqda. Shundan kelib chiqib, Mbappe «PSJ» bilan shartnomasi yakunlanganidan keyin ham «qirollik klubi»ga o‘tishini taxmin qilish mumkin.
Avvalroq OAVda Mbappe Chempionlar ligasi pley-off bosqichidagi birinchi o‘yindan so‘ng madridliklar jamoasining o‘yinidan hafsalasi pir bo‘lgani va Premyer-ligaga o‘tishga qaror qilgani haqida xabarlar tarqalgan edi.
