Испания нашрлари «ПСЖ» ҳужумчиси Килиан Мбаппенинг келажаги ҳақида янги маълумотни эълон қилди. Маълум бўлишича, футболчининг онаси аллақачон Испания пойтахтидан уй излай бошлаган.
El Chiringuito нашрининг ёзишича, аёл Мадриднинг нуфузли ҳудудларидан бирида иккита уй сотиб олишни мўлжаламоқда. Шундан келиб чиқиб, Мбаппе «ПСЖ» билан шартномаси якунланганидан кейин ҳам «қироллик клуби»га ўтишини тахмин қилиш мумкин.
Аввалроқ ОАВда Мбаппе Чемпионлар лигаси плей-офф босқичидаги биринчи ўйиндан сўнг мадридликлар жамоасининг ўйинидан ҳафсаласи пир бўлгани ва Премьер-лигага ўтишга қарор қилгани ҳақида хабарлар тарқалган эди.
