«Manchester Siti» «Tottenxem» hujumchisi Xarri Keynni o‘z safiga qo‘shib olishga harakat qildi, biroq «shporlar» rahbariyati to‘purarni sotishni istamagani uchun kelishuv amalga oshmay qoldi. Bu haqda «shaharliklar» boshqaruvchisi Xosep Gvardiola jurnalistlar bilan suhbatda aytib o‘tdi.
«Biz Keyn bilan shartnoma imzolashga harakat qildik, ammo kelishuv amalga oshmay qoldi, chunki «Tottenxem» uni sotishni istamadi», — deya ispaniyalik murabbiyning so‘zlarini keltiradi Fabrisio Romano.
Keynning London klubi bilan shartnomasi 2024 yilning yoziga amal qiladi. Angliyalik futbolchining transfer narxi 100 million yevroga baholanmoqda.
