«Манчестер Сити» «Тоттенхэм» ҳужумчиси Харри Кейнни ўз сафига қўшиб олишга ҳаракат қилди, бироқ «шпорлар» раҳбарияти тўпурарни сотишни истамагани учун келишув амалга ошмай қолди. Бу ҳақда «шаҳарликлар» бошқарувчиси Хосеп Гвардиола журналистлар билан суҳбатда айтиб ўтди.
«Биз Кейн билан шартнома имзолашга ҳаракат қилдик, аммо келишув амалга ошмай қолди, чунки «Тоттенхэм» уни сотишни истамади», — дея испаниялик мураббийнинг сўзларини келтиради Фабрицио Романо.
Кейннинг Лондон клуби билан шартномаси 2024 йилнинг ёзига амал қилади. Англиялик футболчининг трансфер нархи 100 миллион еврога баҳоланмоқда.
