"Manchester Yunayted" klubi sobiq hujumchisi Dimitar Berbatovning fikricha, Krishtianu Ronalduni «MYU» sardori etib tayinlash kerak.

«Shubhasiz, Ronaldu – futbol dahosi, u futbolda hamma narsani qo‘lga kiritdi. Qachonki tarkibingizda shunday futbolchi bo‘lsa, undan foydalanish kerak, maslahat so‘rash kerak, uning aytganlarini qilish kerak. U mashg‘ulotlardagi mehnat orqali qolganlarga o‘rnak bo‘lmoqda.

Mening fikrimcha, Ronalduni sardor etib tayinlash kerak, chunki u futbolda hamma narsani ko‘rdi. Bir tarafdan olib qaraganda «MYU» sardori Maguayr. Mayli, ehtimol, uning o‘yinlari omadsiz chiqayotgandir, lekin Krishtianu javobgarlikni bo‘yniga olishdan qochadi deb o‘ylamayman.

Agar bu gap-so‘zlarda haqiqat bor bo‘lsa, ular o‘tirib bir-birlari bilan va murabbiylar bilan gaplashib olishlari va o‘rtadagi munosabatlarni yaxshilab olishlari kerak!» – dedi Berbatov Betfair bilan suhbatda.