"Манчестер Юнайтед" клуби собиқ ҳужумчиси Димитар Бербатовнинг фикрича, Криштиану Роналдуни «МЮ» сардори этиб тайинлаш керак.
«Шубҳасиз, Роналду – футбол даҳоси, у футболда ҳамма нарсани қўлга киритди. Қачонки таркибингизда шундай футболчи бўлса, ундан фойдаланиш керак, маслаҳат сўраш керак, унинг айтганларини қилиш керак. У машғулотлардаги меҳнат орқали қолганларга ўрнак бўлмоқда.
Менинг фикримча, Роналдуни сардор этиб тайинлаш керак, чунки у футболда ҳамма нарсани кўрди. Бир тарафдан олиб қараганда «МЮ» сардори Магуайр. Майли, эҳтимол, унинг ўйинлари омадсиз чиқаётгандир, лекин Криштиану жавобгарликни бўйнига олишдан қочади деб ўйламайман.
Агар бу гап-сўзларда ҳақиқат бор бўлса, улар ўтириб бир-бирлари билан ва мураббийлар билан гаплашиб олишлари ва ўртадаги муносабатларни яхшилаб олишлари керак!» – деди Бербатов Betfair билан суҳбатда.
