Yurgen Kloppning fikricha, «Manchester Siti»dan ortda qolish «Liverpul»ning asosiy muammosi emas.
«Haqiqatdan ham ko‘p narsalarni o‘zgartirish kerak. Muammolarning eng kichigi - siz «Siti» haqida aytganingiz. Men haftaning har kunida, har daqiqasida faqat shuni o‘ylamayman. Bizni bu bilan ishimiz yo‘q, biz faqat o‘z o‘yinlarimizda g‘alaba qozonishimiz va ularga yaqinlasha olamizmi yoki yo‘qmi, shuni bilishimiz kerak.
Bundan tashqari, biz YECHL uchun ham kurash olib boryapmiz. Buning uchun o‘z o‘yinlarimizda g‘alaba qozonishimiz kerak. Agar kubok o‘yinlarida uzoqroqqa borishni yoki kubokni yutishni xohlasak, u holda faqat g‘alaba qozonishimiz kerak. G‘alaba orqali o‘z muammolaringni yechasan va bu biz o‘ylayotgan yagona narsa», – dedi Klopp.