"Arsenal"ning sobiq futbolchisi Bakari Sanya maydonning qaysi qismini kuchaytirish borasida fikr bildirdi. Undan bu haqida so‘ralganida, futbolchi shunday deydi:
"Umuman olganda, hozirgi "Arsenal"ning har bir chizig‘iga biroz ishlov berish kerak. Bilasizmi, bugungi futbolda uchrashuvlar juda ham ko‘p. Oldingidek, bir haftada bir marta o‘yin emas. Ayni damda jamoalar har ikki-uch kunda o‘ynashmoqda.
Futbolchilar esa odam. Ular doimo yuqori darajada harakat qilish mumkin emasligini yaxshi biladi. Umuman olganda, Arteta yaxshi jamoa qurmoqda. Shu futbolchilarni saqlab qolib, yangilari olib kelinsa, o‘ylashimcha, kelajak yaxshi bo‘ladi. "Arsenal" ham kelajakda "Manchester Siti" kabi qurilmaga ega klubga aylanadi".
