"Арсенал"нинг собиқ футболчиси Бакари Санья майдоннинг қайси қисмини кучайтириш борасида фикр билдирди. Ундан бу ҳақида сўралганида, футболчи шундай дейди:
"Умуман олганда, ҳозирги "Арсенал"нинг ҳар бир чизиғига бироз ишлов бериш керак. Биласизми, бугунги футболда учрашувлар жуда ҳам кўп. Олдингидек, бир ҳафтада бир марта ўйин эмас. Айни дамда жамоалар ҳар икки-уч кунда ўйнашмоқда.
Футболчилар эса одам. Улар доимо юқори даражада ҳаракат қилиш мумкин эмаслигини яхши билади. Умуман олганда, Артета яхши жамоа қурмоқда. Шу футболчиларни сақлаб қолиб, янгилари олиб келинса, ўйлашимча, келажак яхши бўлади. "Арсенал" ҳам келажакда "Манчестер Сити" каби қурилмага эга клубга айланади".
