"Atalanta" egasi Antonio Perkassi amerikalik biznesmen Stefan Palyukega 55 foiz aksiyalarni sotish bo‘yicha kelishuvga erishdi, deya xabar beradi jurnalist Fabrisio Romano.
"Atalanta"ning umumiy qiymati, turli hisob-kitoblarga ko‘ra, 400 dan 500 million dollargacha. Taxminlarga ko‘ra, Palyuka klub aksiyalarining 55 foizini sotib oladi, qolgan qismi esa Perkassi qo‘lida qoladi.
Klub top-menejmentida hozirgi xo‘jayinlar oilasi vakillari qoladi. Ayni paytda Antonio prezident, Luka esa bosh direktor.
67 yoshli Palyuka NBAning "Boston Celtiks" klubi aksiyadori.