Antonio Konte boshchiligidagi “Tottenxem” “Manchester Siti”ni mag‘lub etgan etgan uchrashuvdan so‘ng (3:2), “shporlar” ustozi jamoasi o‘yinidan mamnun ekanligini aytdi.
“Albatta, o‘yin hissiyotlarga boy bo‘ldi. Biz yaxshi o‘yin o‘tkazdik. "Manchester Siti" umumiy o‘yinning 65-70 daqiqasida to‘pga egalik qildi, shuning uchun biz taktik jihatdan yaxshi o‘ynashimiz kerak edi.
Biz top-jamoaga qarshi vaziyatlar yaratdik va ajoyib gollar urdik. Bu g‘alaba bizga ishonch bag‘ishlaydi. Ketma-ket uchta mag‘lubiyatdan so‘ng “Man Siti” bilan o‘ynash oson bo‘lmadi.
Xarri Keyn biz uchun juda muhim futbolchi. Umuman, bugun barcha hujumchilarimiz juda yaxshi o‘ynashdi.
Biroq, bitta g‘alaba yetarli emas. Undan oldin ketma-ket uchta mag‘lubiyatga uchraganimizni unutmang. Ammo "Man Siti"ni mag‘lub etish ajoyib", - deydi "Tottenxem" bosh murabbiyi.
