"Tottenxem" hujumchisi Xarri Keyn APLning 26-turi doirasidagi "Manchester Siti" ustidan qozonilgan g‘alaba (3:2) haqida fikr bildirdi.

"Dahshatli o‘yin. Butun uchrashuv davomida 2:1 hisobida oldinda borayotgandik va o‘yin oxirida darvozamizga belgilangan penalti butun jamoa kayfiyatiga ta’sir qildi. Ammo o‘yin oxirida vaziyatni o‘zimiz tmonga og‘dira oldik.

Futbol - bu vaziyatni o‘zgartirish qobiliyatidir. Bugungi o‘yin oxirigacha kurashayotganimizni isbotladi. Umid qilamanki, biz shu tempda davom etamiz. Jamoa barqarorlikni o‘rganishi kerak. Kuchli 4 talikka kirish uchun barqaror o‘ynash kerak”, - deydi “Tottenxem” hujumchisi.

APLning 26-turidan so‘ng “Manchester Siti” 63 ochko jamg‘arib, turnir jadvalida peshqadamlik qilmoqda. "Tottenxem" 39 ochko bilan 7-o‘rinda bormoqda.