"Arsenal" yarim himoyachisi Granit Jaka Premyer-Liga doirasida "Brentford" jamoasiga qarshi o‘tkazilgan uchrashuvdan sardorlik bog‘ichini olishdan bosh tortdi.
Kecha Jaka 2:1 hisobidagi g‘alabani qo‘lga kiritishdan "Arsenal"ga yordam berdi. Uchrashuvning so‘nggi daqiqalararida Aleksandr Lyakazettni o‘rniga maydonga tushgan Eddi Nketia sardorlik bog‘ichini Granitga taqib qo‘yishga harakat qildi.
Biroq, Jaka 2019 yilning noyabr oyida sardorlik bog‘ichidan sharmandalarcha mahrum qilinganidan so‘ng, Nketiadan sardorlik bog‘ichini olishdan bosh tortdi va uchrashuvning oxirigacha "Arsenal" sardori sifatida Kiran Tirni harakat qildi.
Qo‘shimcha o‘rnida shuni aytish kerakki, "Arsenal" bosh murabbiyi Mikel Arteta joriy mavsum jamoaning asosiy sardori Lyakazett bo‘lishini tasdiqlagandi. Fransiyalik hujumchi sardorlik bog‘ichini yanvar oyida jamoani tark etgan Pyer-Emerik Obameyangdan qabul qilib olgandi.