Madridning “Atletiko” klubi yarim himoyachisi Ektor Errera faoliyatini MLSda davom ettirishi mumkin, deb xabar beradi "MLSsoccer.com".
Manbaga ko‘ra, 31 yoshli meksikalik futbolchiga "Xyuston Dinamo" jamoasi da’vogarlik qilmoqda. Transfer sodir bo‘lgan taqdirda, yarim himoyachi belgilangan ish haqi chegarasidan yuqoriroq maosh oladigan futbolchiga aylanishi mumkin.
Joriy mavsumda Errera "matraschilar" safida 18 ta o‘yin o‘tkazgan. "Transfermarkt" portali futbolchining narxini 5 million yevroga baholamoqda.
