"Liverpul" bosh murabbiyi Yurgen Klopp "Liverpul" hujumchisi Roberto Firminyoning ahvoli haqida ma’lumot berdi.
"Inter" bilan o‘yindan keyin o‘zini noqulay his qilmaguncha, Firminyoda qandaydir muammo borligini bilmasdik ham. Biz buni arzimas narsa deb o‘ylagandik, lekin keyinroq Robertoning mushaklari jarohatlangani ma’lum bo‘ldi.
Biz hamma narsani tahlil qilishimiz va tiklanish qancha davom etishini kutishimiz kerak. Uning qachon maydonga qaytishini hozircha bilmayman", — dedi Klopp "The Athletic" nashriga.
Eslatib o‘tamiz, YECHL 1/8 finalidan o‘rin olgan “Inter” – “Liverpul” uchrashuvida Firminyo gollardan birini kiritgan edi.