"PSJ" hujumchisi Neymar Braziliya terma jamoasi safida gol urish bo‘yicha Pele rekordini yangilamoqchi ekanligini aytdi.
“Terma jamoaning eng yaxshi to‘purari bo‘lish men uchun katta sharaf bo‘lardi. Men buni o‘ylamayman desam, to‘g‘ri bo‘lmaydi. Albatta, bu mening shaxsiy maqsadim, bunga erishishga umid qilaman.
Pele Braziliyada hamma uchun kumirdir", - dedi Neymar "Marca" nashriga bergan intervyusida.
Ma’lumot uchun, Pele Braziliya terma jamoasi safida 92 ta o‘yin o‘tkazib, 77 ta gol urgan. Neymar hisobida 116 ta o‘yin va 70 ta gol bor. Avvalroq Neymar faoliyatini yakunlaganidan so‘ng kibersport bilan shug‘ullanishi mumkinligini aytgandi.
30 yoshli Neymar joriy mavsumda klub safida barcha turnirlar doirasida 16 ta o‘yinda maydonga tushib, 4 ta gol urdi va 4 ta golli uzatmani amalga oshirdi.
