"ПСЖ" ҳужумчиси Неймар Бразилия терма жамоаси сафида гол уриш бўйича Пеле рекордини янгиламоқчи эканлигини айтди.

“Терма жамоанинг энг яхши тўпурари бўлиш мен учун катта шараф бўларди. Мен буни ўйламайман десам, тўғри бўлмайди. Албатта, бу менинг шахсий мақсадим, бунга эришишга умид қиламан.

Пеле Бразилияда ҳамма учун кумирдир", - деди Неймар "Marca" нашрига берган интервьюсида.

Маълумот учун, Пеле Бразилия терма жамоаси сафида 92 та ўйин ўтказиб, 77 та гол урган. Неймар ҳисобида 116 та ўйин ва 70 та гол бор. Аввалроқ Неймар фаолиятини якунлаганидан сўнг киберспорт билан шуғулланиши мумкинлигини айтганди.

30 ёшли Неймар жорий мавсумда клуб сафида барча турнирлар доирасида 16 та ўйинда майдонга тушиб, 4 та гол урди ва 4 та голли узатмани амалга оширди.