«Tottenxem» klubi «Inter» himoyachisi Stefan de Vreyni sotib olmoqchi. Inter Live nashrining xabar berishicha, klublar kelishuvga juda yaqin.

Ta’kidlanishicha, bu transferni «shporlar» bosh murabbiyi Antonio Konte xohlamoqda. Italiyalik mutaxassis o‘zining sobiq shogirdini Londonga olib kelmoqchi.

«Tottenxem» yozgi transfer oynasi vaqtida shartnomani to‘liq amalga oshirish niyatida.

Eslatib o‘tamiz, de Vrey «neradzurrilar» lageriga 2018 yilda ko‘chib o‘tgan va uning shartnomasi 2023 yilning yozida yakuniga yetadi.

Joriy mavsumda futbolchi 27 ta chrashuvda qatnashib, atigi 1 ta gol urishga muvaffaq bo‘ldi.