«Тоттенхэм» клуби «Интер» ҳимоячиси Стефан де Врейни сотиб олмоқчи. Inter Live нашрининг хабар беришича, клублар келишувга жуда яқин.
Таъкидланишича, бу трансферни «шпорлар» бош мураббийи Антонио Конте хоҳламоқда. Италиялик мутахассис ўзининг собиқ шогирдини Лондонга олиб келмоқчи.
«Тоттенхэм» ёзги трансфер ойнаси вақтида шартномани тўлиқ амалга ошириш ниятида.
Эслатиб ўтамиз, де Врей «нерадзуррилар» лагерига 2018 йилда кўчиб ўтган ва унинг шартномаси 2023 йилнинг ёзида якунига етади.
Жорий мавсумда футболчи 27 та чрашувда қатнашиб, атиги 1 та гол уришга муваффақ бўлди.
