"Vilyarreal" jamoasi bosh murabbiyi Unai Emeri "Yuventus"ga qarshi (1:1) YECHL pley-off o‘yinidan so‘ng hujumchi Dushan Vlaxovichning o‘yinini yuqori baholadi.
"Maydondagi o‘zgarishlarni mana shunday futbolchilar qiladi. U birinchi daqiqadayoq gol urdi va yanada ko‘proq gollar urishi mumkin edi. Uni butun o‘yin davomida ushlab turish qiyin bo‘ldi. Ammo futbolchilarim qaysidir ma’noda uni va Moratani o‘yindan chetlata oldi", - deya murabbiyning so‘zlaridan iqtibos keltirgan UEFA rasmiy sayti.
Eslatib o‘tamiz, jamoalar o‘rtasidagi javob o‘yini 16 mart kuni Turinda o‘tkaziladi.