«Arsenal» o‘z bosh murabbiyi bilan yangi bitim tuzishni istaydi. Xabarlarga ko‘ra, Mikel Artetaga yozda yangi shartnoma taklif etiladi.
Ispaniyalik mutaxassisning so‘nggi oylardagi ijobiy natijalari klub egasi Sten Kronkeni xursand qilgan. Shu sabab, u APLning eng yosh ustozini jamoada yana uch yil olib qolishni o‘ylamoqda.
Artetaning yangi bitimida yillik maosh yaxshilangan bo‘ladi. Ayni damda 39 yoshli murabbiy uchun yiliga 5 million funt maosh to‘lanadi.
Yangi uch yillik bitimning umumiy qiymati esa 25 million funtni tashkil etishi aytilgan. Mikel Artetaning joriy shartnomasi 16 oydan so‘ng yakun topadi.
