Neymar bolaligida «Real»ga o‘tishi mumkinligini aytdi.

«10 yoshligimda «Real» meni sinab ko‘rishga taklif qildi. Men ularning mashg‘ulotlarini kuzatib xursand bo‘lgandim, yettinchi osmonda uchgandim. Bu Galaktikos davrida edi. SHUningdek, ularning o‘yinini ham kuzatgandim.

Ularning o‘yinni kuzatayotib, go‘yo barcha gollar braziliyaliklar tomonidan kiritilgandek bo‘ldi. Menimcha, Ronaldu ikkita, Robinyo bitta, Xulio Baptista jarima zarbasidan gol kiritgandi, shuningdek, Roberto Karlos ham bitta gol urgandi.

O‘yindan so‘ng ularning hammasi bilan suratga tushdim. Men baxtdan yettinchi osmonda edim. Ko‘rikda bo‘lish uchun u yerda bir hafta qoldim. To‘rt-besh kun davom etdi. Beshinchi kuni ular meni Barselonadagi turnirga olib borishni xohlashdi, lekin Braziliyaga qaytib ketdim. Chunki, uyimni juda sog‘ingandim.

Umuman olganda, «Real»ga o‘tishim uchun hamma narsa tayyor edi, lekin men Braziliyaga qaytib ketganman”, — dedi Neymar Fenomenos bilan suhbatda.