Bugun Namangan shahridagi “Markaziy” o‘yingoh zaxira maydonida “Navbahor” futbolchilari test-normativlarni topshirishdi.

Mazkur test – normativlarni futbolchilardan O‘zbekiston futbol assosiasiyasi (O‘FA) Test-normativlarni topshirish bo‘yicha komissiya raisi, O‘zbekiston – U-17 o‘smirlar terma jamoasi bosh murabbiyi Rauf Inileev va O‘FA ilmiy-metodik bo‘limi boshlig‘i, pedagogika fanlari nomzodi, professor Shamil Iseevlar olishdi.

Ta’kidlash joizki, O‘FA tomonidan har yili mavsum starti va ikkinchi davra o‘yinlari oldidan futbolchilarning jismoniy tayyorgarligini bilish maqsadida test-normativlari o‘tkazib kelinmoqda.

Bundan ko‘zlangan asosiy maqsad esa mavsum avvalida futbolchilarning yangi chempionatga qanday tayyorgarlik ko‘rishganini aniqlash, ularning jismoniy jihatdan to‘liq mavsum o‘tkazishga tayyorgarliklariga ishonch hosil qilishdir.