Бугун Наманган шаҳридаги “Марказий” ўйингоҳ захира майдонида “Навбаҳор” футболчилари тест-нормативларни топширишди.

Мазкур тест – нормативларни футболчилардан Ўзбекистон футбол ассоциацияси (ЎФА) Тест-нормативларни топшириш бўйича комиссия раиси, Ўзбекистон – U-17 ўсмирлар терма жамоаси бош мураббийи Рауф Инилеев ва ЎФА илмий-методик бўлими бошлиғи, педагогика фанлари номзоди, профессор Шамиль Исеевлар олишди.

Таъкидлаш жоизки, ЎФА томонидан ҳар йили мавсум старти ва иккинчи давра ўйинлари олдидан футболчиларнинг жисмоний тайёргарлигини билиш мақсадида тест-нормативлари ўтказиб келинмоқда.

Бундан кўзланган асосий мақсад эса мавсум аввалида футболчиларнинг янги чемпионатга қандай тайёргарлик кўришганини аниқлаш, уларнинг жисмоний жиҳатдан тўлиқ мавсум ўтказишга тайёргарликларига ишонч ҳосил қилишдир.