Angliyaning «Manchester Siti» bosh direktori Ferran Soriano AQSH bozorini ingliznikidan kattaroq deb hisoblaydi.
«Biz MLS dunyoning eng yaxshi futbol ligalaridan biriga aylanishini istaymiz va bu bir kun kelib amalga oshishi ehtimoli yuqori.
Ba’zan biz bugungi kunda haqiqatga aylangan faktlarni unutamiz. Biz uchun, City Football Group uchun AQSH Buyuk Britaniyadan ko‘ra kattaroq bozor.
AQSHda futbolni Buyuk Britaniyadagidan ko‘ra ko‘proq odam tomosha qiladi. Albatta, tomoshabinning tanlovi katta, ammo bozor juda katta.
2026 yili bo‘lib o‘tadigan Jahon chempionati 1994 yildagi kabi samara beradi», dedi Ferran Soriano ESPN telekanaliga bergan intervyusida.
City Football Group kompaniyasiga «Manchester Siti»dan tashqari, MLSning «Nyu-York Siti» klubi ham kiradi.
