Англиянинг «Манчестер Сити» бош директори Ферран Сориано АҚШ бозорини инглизникидан каттароқ деб ҳисоблайди.
«Биз МЛС дунёнинг энг яхши футбол лигаларидан бирига айланишини истаймиз ва бу бир кун келиб амалга ошиши эҳтимоли юқори.
Баъзан биз бугунги кунда ҳақиқатга айланган фактларни унутамиз. Биз учун, City Football Group учун АҚШ Буюк Британиядан кўра каттароқ бозор.
АҚШда футболни Буюк Британиядагидан кўра кўпроқ одам томоша қилади. Албатта, томошабиннинг танлови катта, аммо бозор жуда катта.
2026 йили бўлиб ўтадиган Жаҳон чемпионати 1994 йилдаги каби самара беради», деди Ферран Сориано ESPN телеканалига берган интервьюсида.
City Football Group компаниясига «Манчестер Сити»дан ташқари, МЛСнинг «Нью-Йорк Сити» клуби ҳам киради.
