"Chelsi" - "Liverpul" o‘yini bugun 27 fevral yakshanba kuni Londondagi "UYEmbli" stadionida bo‘lib o‘tadi. Uchrashuv boshlanish vaqti Toshkent vaqti bilan 21:30 da.
Liga kubogi biroz g‘alati turnir. Bir tomondan, dastlabki bosqichlarda ingliz top-klublari unga sovuqqonlik bilan munosabatda bo‘lishadi, ko‘pincha jamaolar asosiy tarkibdan yiroq bo‘lgan zaxira futbolchilari va yoshlarga o‘yin vaqtini berishadi. Boshqa tomondan, gap kubok haqida ketyapti va asosiy o‘yinga kelganda, hamma darhol jiddiylashadi.
Kubok finalida mersisaydliklarning asosiy yulduzlari Saloh va Mane maydonga tushishi kerak. Ular birgalikda so‘nggi uchta o‘yinda yettita gol urishdi.
Yurgen Klopp qo‘l ostida "Liverpul" Chempionlar ligasida g‘alaba qozondi, finalda o‘ynadi, Yevropa Superkubogini qo‘lga kiritdi, ammo olti yil nemis murabbiyi faqat bitta ichki Angliya kubogiga ega bo‘ldi. Bu uzoq kutilgan chempionlik edi. Liga kubogi, albatta, ortiqcha bo‘lmaydi, ayniqsa, "qizillar" shu paytgacha o‘ziga xos kolleksiya to‘plash imkoniyatiga ega bo‘lib, bu mavsumda hamon to‘rtta unvonga da’vogarlik qilmoqda.
"Chelsi" yaqinda klublar o‘rtasidagi jahon chempionatida g‘alaba qozonib, klub tarixida yetishmayotgan yagona kubokni qo‘lga kiritdi, lekin ular, albatta, boshqa unvondan voz kechishmaydi, ayniqsa chempionlik ehtimoli juda kam bo‘lgan mavsumda. Chempionlar ligasi esa bu mavsumda ancha qiyin marra bo‘lib ko‘rinmoqda.
Hozir ikkala jamoa ham ajoyib formada. “Chelsi” barcha musobaqalarda ketma-ket oltita, “Liverpul” esa to‘qqizta g‘alabaga erishdi. yanvar oyi boshida ushbu raqiblar "Stemford Brij"da ajoyib o‘yin ko‘rsatishdi - 2:2 va "ko‘klar" 0:2 hisobidan o‘yinni qutqarib qolishdi. Avgust oyida durang qayd etilgandi - 1:1. Bir yarim yil avval “Liverpul” “Enfild”da xokkeycha 5:3 hisobida g‘alaba qozongandi. Demak, final zerikarli bo‘lmasligi aniq.
“Liverpul” yuqori sport formasida, ishonchli himoyaviy o‘yin ko‘rsatmoqda va gol urishda hech qanday muammo yo‘q – ularning oldingi uchta o‘yinda kiritilgan 11 ta gol rekordi buni tasdiqlaydi.
Tuxelning ta’kidlashicha, "Liverpul" - favorit, ammo nemis o‘ziga ishonadi. Bir uchrashuvdan iborat o‘yinlar haqida gap ketganda, "Chelsi" fevral oyida klublar o‘rtasidagi jahon chempionatida bo‘lgani kabi o‘zini ishni uddalaydigan jamoa ekanligini isbotladi.
Agar "Chelsi" Muhammad Saloh va "qizillar"ning hujum chizig‘i bosimiga dosh bera olsa, 2015 yildan beri ilk bor Liga kubogini qo‘lga kiritishi mumkin.
