"Челси" - "Ливерпуль" ўйини 27 февраль якшанба куни Лондондаги "Уембли" стадионида бўлиб ўтади. Учрашув бошланиш вақти Тошкент вақти билан 21:30 да.
Лига кубоги бироз ғалати турнир. Бир томондан, дастлабки босқичларда инглиз топ-клублари унга совуққонлик билан муносабатда бўлишади, кўпинча жамаолар асосий таркибдан йироқ бўлган захира футболчилари ва ёшларга ўйин вақтини беришади. Бошқа томондан, гап кубок ҳақида кетяпти ва асосий ўйинга келганда, ҳамма дарҳол жиддийлашади.
Кубок финалида мерсисайдликларнинг асосий юлдузлари Салоҳ ва Мане майдонга тушиши керак. Улар биргаликда сўнгги учта ўйинда еттита гол уришди.
Юрген Клопп қўл остида "Ливерпуль" Чемпионлар лигасида ғалаба қозонди, финалда ўйнади, Европа Суперкубогини қўлга киритди, аммо олти йил немис мураббийи фақат битта ички Англия кубогига эга бўлди. Бу узоқ кутилган чемпионлик эди. Лига кубоги, албатта, ортиқча бўлмайди, айниқса, "қизиллар" шу пайтгача ўзига хос коллекция тўплаш имкониятига эга бўлиб, бу мавсумда ҳамон тўртта унвонга даъвогарлик қилмоқда.
"Челси" яқинда клублар ўртасидаги жаҳон чемпионатида ғалаба қозониб, клуб тарихида етишмайотган ягона кубокни қўлга киритди, лекин улар, албатта, бошқа унвондан воз кечишмайди, айниқса чемпионлик эҳтимоли жуда кам бўлган мавсумда. Чемпионлар лигаси эса бу мавсумда анча қийин марра бўлиб кўринмоқда.
Ҳозир иккала жамоа ҳам ажойиб формада. “Челси” барча мусобақаларда кетма-кет олтита, “Ливерпуль” эса тўққизта ғалабага эришди. январь ойи бошида ушбу рақиблар "Стемфорд Бриж"да ажойиб ўйин кўрсатишди - 2:2 ва "кўклар" 0:2 ҳисобидан ўйинни қутқариб қолишди. Август ойида дуранг қайд этилганди - 1:1. Бир ярим йил аввал “Ливерпуль” “Энфилд”да хоккейча 5:3 ҳисобида ғалаба қозонганди. Демак, финал зерикарли бўлмаслиги аниқ.
“Ливерпуль” юқори спорт формасида, ишончли ҳимоявий ўйин кўрсатмоқда ва гол уришда ҳеч қандай муаммо йўқ – уларнинг олдинги учта ўйинда киритилган 11 та гол рекорди буни тасдиқлайди.
Тухелнинг таъкидлашича, "Ливерпуль" - фаворит, аммо немис ўзига ишонади. Бир учрашувдан иборат ўйинлар ҳақида гап кетганда, "Челси" февраль ойида клублар ўртасидаги жаҳон чемпионатида бўлгани каби ўзини ишни уддалайдиган жамоа эканлигини исботлади.
Агар "Челси" Муҳаммад Салоҳ ва "қизиллар"нинг ҳужум чизиғи босимига дош бера олса, 2015 йилдан бери илк бор Лига кубогини қўлга киритиши мумкин.
