Germaniyalik mutaxassis Daniyel Farke nima uchun Rossiyaning "Krasnodar" jamoasini tark etishga qaror qilganini tushuntirdi.
“Biz uchun xayrlashish juda qiyin, ammo hozirgi siyosiy vaziyat bizga boshqa tanlov qoldirmadi. Shuningdek, oilalarimiz o‘z vatanlariga qaytishni iltimos qilishdi. Bizga bunday qarorga kelish juda qiyin bo‘ldi, chunki birinchi kundanoq bizni juda iliq kutib olishdi va katta ishonch bildirishdi.
Vladimir Xashig va Aram Fundukyanga bizni kutib olgani uchun minnatdorchilik bildiramiz. Biroq, biz yaqin kelajakda yaxshi sharoitlarda yana uchrashamiz degan umiddamiz.
Biz tushkun vaziyatga qaramay, ko‘plab ajoyib uchrashuvlar va tajribalar uchun minnatdormiz" - dedi "Krasnodar" jamoasining endilikdagi sobiq murabbiyi.
